“Omicron”un yüksək yoluxuculuğunun sirri  AÇILDI
26 yanvar 2022 19:14 (UTC +04:00)

“Omicron”un yüksək yoluxuculuğunun sirri AÇILDI

Britaniya Kolumbiya Universitetinin kanadalı alimləri koronavirusun “Omicron” ştammının son mutasiyasının yüksək yoluxuculuğunun səbəbini açıqlayıblar.

Lent.az-ın xarici mediaya istinadla məlumatına görə, bunun üçün tədqiqatçılar pandemiyanın bütün dövründə baş verən koronavirusun sünbül S-zülalında mutasiyaları və aşağıdakı xüsusiyyətləri müəyyən ediblər.

Krioelektron mikroskopiya metodundan istifadə etməklə virusun S-zülalının və patogenin 37 mutasiyasının struktur analizi aparılıb.

Beləliklə, "duz körpülərinin" mövcudluğu müəyyən edilib.

“Omicron” ştammının başqa bir xüsusiyyəti sünbül zülalı ilə xüsusi ACE-2 hüceyrə səthi reseptorları arasında hidrogen bağının olmasıdır.

Ekspertlər hesab edirlər ki, bu əlaqənin inkişafı yeni ştammın bir neçə mutasiyasının təsiri ilə bağlıdır.

Əldə edilən məlumatlara əsasən, bu amillərin mövcudluğunun virusun bədənin hüceyrələrinə nüfuz qabiliyyətinin artmasına kömək etdiyini güman etmək olar.

Alimlər əmindirlər ki, təkamül prosesində SARS-CoV-2 koronavirusu bütün dəyişikliklərə baxmayaraq, öz əsas qabiliyyətini - insan orqanizminin hüceyrələrinə bağlanma qabiliyyətini itirməyib.

Üstəlik, mutasiya prosesi vasitəsilə “Omicron” antitellərdən yayınmaq üçün təkmilləşdirilmiş bir qabiliyyət əldə edib.

# 2916
avatar

Oxşar yazılar