COVID-19 pandemiyasının başlanğıcından bəri uşaqların böyüklərə nisbətən daha az ağır xəstəliklərə məruz qaldığı bəllidir. Elm adamlarının diqqət yetirdiyi ilk şey, SARS-CoV-2-yə yoluxan körpələrin və yeniyetmələrin xəstəliyin başlanğıcından virusla mübarizə aparmaq üçün çoxlu anticisimlərə malik olması və onları uzun müddət saxlaması olub.
Lent.az xarici KİV-ə istinadən xəbər verir ki, araşdırmada körpələr və azyaşlılar da daxil olmaqla 81 uşaq iştirak edib.
Tədqiqatın mahiyyəti ondan ibarət olub ki, analar körpələrinin 2 həftəliyindən başlayaraq həftəlik burun çubuqları götürüblər. Alimlər həmçinin körpələrin SARS-CoV-2-yə yoluxduğu 6 həftəlikdən başlayaraq və sonrakı həftələr, aylar ərzində mütəmadi olaraq onların qanını sınaqdan keçiriblər. Bu nümunələr alimlərə uşaqların virusla ilk təmasdan əvvəl və sonra immun reaksiyalarını ətraflı öyrənməyə imkan verib.
54 uşaq koronavirusa yoluxub və COVID-19-un yüngül formasını keçirib, 27 sağlam uşaq isə “nəzarət qrupu” olub. Tədqiqat həmçinin 19 xəstə və 19 sağlam anadan həftəlik burun çubuqlarının və 89 xəstə və 13 sağlam yetkindən qan nümunələrinin toplanmasından ibarət idi. Təcrübədə alimlər sistem immunologiyasından istifadə edərək yeni doğulmuş körpələrin və böyüklərin virusa qarşı immun reaksiyasının bir çox aspektlərini təhlil ediblər.
Alimlər onu da müəyyən ediblər ki, koronaviruslu yetkin xəstələrin qanında yüksək səviyyəli iltihabaleyhinə sitokinlər (iltihab prosesində iştirak edən zülallar) var ki, bu da COVID-19-un ağır gedişi və xəstənin ölüm riski ilə əlaqələndirilir. Bu zülallar körpələrin və uşaqların qanında yox idi. Bundan əlavə, uşaqların burunlarında çoxlu iltihab əleyhinə sitokinlər və antiviral sitokinlər aşkar edilib.
Alimlər sitokinlərin SARS-CoV-2-ni birbaşa virusun uşaqların orqanizminə daxil olduğu yerdə məhv edə biləcəyini irəli sürüblər ki, bu da COVID-19 xəstəliyinin yüngül gedişatını potensial olaraq izah edir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
