Dünyanın keçmiş 1 nömrəli tennisçisi Martina Navratilovaya xərçəng diaqnozu qoyulub.
Lent.az bildirir ki, bu barədə Qadın Tennis Assosiasiyasının (WTA) saytında məlumat verilib.
Dünya tennisinin əfsanəsinə 1-ci mərhələdə boğaz xərçəngi diaqnozu qoyulub, həmçinin döş xərçənginin təkrarlanması aşkarlanıb. “Bu, ikiqat zərbədir, vəziyyət ciddidir, lakin hələ də müalicə oluna bilər. Əlverişli nəticəyə ümid edirəm. Var gücümlə mübarizə aparacam”, - 66 yaşlı idmançı bildirib.
Navratilovaya ilk dəfə 2010-cu ildə döş xərçəngi diaqnozu qoyulub. Altı aydan sonra həkimlər onun remissiyada olduğunu bildirdilər.
Navratilova Çexoslovakiyada anadan olub, lakin 1981-ci ildə Amerika vətəndaşlığı alıb. Karyerası ərzində o, tək yarışlarda 167, qoşa yarışlarda isə 177 turnirin qalibi olub.
Bu nəticələrin hər ikisi kişilər və qadınlar üçün bütün zamanların mütləq rekordudur. İdmançı 18 dəfə “Böyük dəbilqə” turnirlərinin qalibi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
