Karolinska Universitetinin rəhbərlik etdiyi beynəlxalq alimlər qrupu 1,3 milyarddan çox gəncin qulaqlıqda və ya konsertlərdə çox yüksək səsli musiqi dinləməkdən kar ola biləcəyini təxmin edib.
Lent.az xəbər verir ki, bu barədə “BMJ Global Health” jurnalında məqalə dərc olunub.
Tədqiqatçılar yüksək səsli musiqinin 12-34 yaş arası 20.000 insanın eşitməsinə təsiri ilə bağlı 33 araşdırmanı təhlil ediblər.
Məlum olub ki, onların 50%-i müntəzəm olaraq 112 desibelə qədər musiqi dinləyirmiş.
Alimlər deyirlər ki, 85 desibeldən yuxarı səs səviyyəsi eşitmə qabiliyyətinə zərər verə bilər. Qulaqlıqlarda çox yüksək səsli musiqi daxili qulağa, eşitmə sinirinə zərər verə bilər, tük hüceyrələrinin sayını azalda bilər və nəticədə eşitmənin itməsinə səbəb ola bilər.
Yer kürəsində 12-34 yaş arasında təxminən 2,8 milyard insanın olduğunu nəzərə alsaq, komanda 1,35 milyard gəncin eşitmə itkisi riski altında olduğunu təxmin etdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
