Bu sadə testlə orqanlarınızdan hansının TEZ QOCALDIĞINI BİLƏCƏKSİNİZ

Yeni bir araşdırma, sadə bir qan testinin ilk olaraq hansı orqanın qocalmağa başlayacağı barədə məlumat verə biləcəyini təsdiqləyib. Həkimlər bioloji yaşı faktiki yaşından çox olan orqanları nəzərə alırlar ki, bu da Alzheimer xəstəliyi, diabet və ürək kimi xəstəliklərin riskini qiymətləndirməyə kömək edir.

Lent.az xəbər verir ki, bu barədə “Express” məlumat yayıb.

Alimlər müəyyən ediblər ki, 50 və daha yuxarı yaşda sağlam görünən hər beş yaşlı insandan biri ən azı bir orqanında sürətli qocalma müşahidə edə bilər. Bir qrup alim tərəfindən aparılan araşdırmanın məlumatları göstərib ki, orqan qocalmasının sürətlənməsi, təsirlənmiş orqandan asılı olaraq növbəti 15 il ərzində ölüm riskinin artması ilə müşayiət olunur. Alimlər ümid edirlər ki, hansı orqanların risk altında olduğunu təxmin etməklə mümkün xəstəliklərin qarşısını ala və xəstələri erkən mərhələdə müalicə edə biləcəklər.

Tədqiqatda hər bir iştirakçının orqanına bioloji yaş təyin edilin, daha sonra açıq-aşkar ciddi xəstəlikləri olmayan insanların böyük bir qrupunun oxşar məlumatları ilə müqayisə edilib. Məlum olub ki, 50 və daha yuxarı yaşda olan insanların 18,4%-nin ən azı bir orqanı adi haldan xeyli tez qocalır. Bu o deməkdir ki, həmin insanların növbəti 15 il ərzində bu orqanda xəstəlik riski artır.

Tədqiqat məlumatlarını əldə etmək üçün komanda xüsusi alqoritmdən istifadə edərək 5678 nəfərin qanında müxtəlif zülalların səviyyəsini təhlil edib. Belə ki, onlar hər bir orqanın bioloji yaşını proqnozlaşdırıb və onu real yaşla müqayisə ediblər. Nəticələr göstərib ki, tədqiq edilən 11 orqandan 10-u üçün yaş fərqləri 15 illik təqibdən sonra bütün səbəblərdən gözlənilən ölüm riski ilə əhəmiyyətli dərəcədə korrelyasiya olunub. O, həmçinin qeyd edib ki, sürətlənmiş ürək qocalması olan insanlarda ürək çatışmazlığı inkişaf riski 2,5 dəfə, qocalmış beyni olanlarda isə beyni daha yavaş qocalanlar ilə müqayisədə beş il ərzində 1,8 dəfə daha çox koqnitiv geriləmə riski var.