Altsheymer xəstəliyinin əlamətlərini aşkar edən QAN TESTİ

Yaponiyada Altsheymer (Alzheimer) xəstəliyinin əlamətlərini aşkar edə bilən qan testi dəsti təsdiq olundu.

Lent.az xarici KİV-ə istinadən bildirir ki, Yaponiya Səhiyyə, Əmək və Rifah Nazirliyi (MHLW) Altsheymer xəstəliyinin əlamətlərini aşkar edə bilən qan testini təsdiqləyib.

Kobedə yerləşən “Sysmex” şirkəti tərəfindən istehsal edilən diaqnostik dəst Altsheymer xəstələrinin beyinlərindəki amiloid beta (amyloid beta) zülalını ölçə bilir.

Test dəsti xəstədən alınan az miqdarda qanda amiloid beta zülalının miqdarını ölçür, erkən diaqnoz və müalicə təklif edir.

Beyindəki sinir hüceyrələrində tıxanmaya səbəb olan, anormal zülal olaraq bilinən amiloid beta Alzheimer xəstəliyinin əlamətidir.