30 mindən çox yeni virus AŞKAR EDİLDİ

İnnsbruk Universitetinin (Avstriya) alimləri əvvəllər məlum olmayan 30 mindən çox virus aşkar ediblər.

Lent.az-ın xarici KİV-ə istinadən xəbərinə görə, elmi işin müəllifləri qeyd ediblər ki, bəzi hallarda mikrob DNT-sinin 10 faizinə qədəri “yerləşmiş” viruslar olub.

Alimlər belə qənaətə gəliblər ki, bu gizli DNT hüceyrədə tam hüquqlu virusların çoxalmasını təmin edə bilər. Bununla belə bəziləri qoruyucu funksiyaları yerinə yetirib.

“Niyə mikrobların genomlarında bu qədər çox virus tapıldığı hələ aydın deyil. Bizim ən inandırıcı fərziyyəmiz budur ki, onlar hüceyrəni təhlükəli virusların yoluxmasından qoruyurlar”, - tədqiqatın müəllifləri bildiriblər.

İlkin olaraq tədqiqat Tirol Alp dağlarındakı yüksək dağ gölünün suyunda tapılan yeni viruslar qrupuna yönəldilib. Alimlər onların mənşəyini araşdırmaq üçün yola çıxıblar, lakin onların hansı orqanizmlərə yoluxduğunu bilməyiblər. Beləliklə, onlar DNT ardıcıllığı məlum olan bütün mikrobların kütləvi analizini aparıblar.

Bir neçə yüz giqabaytlıq verilənlər toplusunu emal etmək üçün alimlər kompüter klasterindən istifadə ediblər. Nəticədə onlar gözlədiklərindən daha çox virusu müəyyən edə biliblər. Gələcəkdə onlar yeni tədqiqatlar aparmağı və öz funksiyalarını daha dəqiq qurmağı planlaşdırırlar.