Türkiyədə arı koloniyalarından uzaqda və dəniz səviyyəsindən 2500 metr yüksəklikdəki mağaralardan çıxarılan kantaron balı “Ginnesin rekordlar kitabı"na düşüb.
Lent.az Türkiyə mətbuatına istinadən məlumat verir ki, Ginnes Dünya Rekordları rəsmi internet saytında yayılan xəbərə görə, kilosu 10 min avro (96 min TL) olan kantaron balı “Dünyanın ən bahalı balı” olaraq rekordlar siyahısına girib.
Münsiflərin sözlərinə görə, rekordun qırılmasının səbəbi balın çox keyfiyyətli olmasıdır.
Ənənəvi baldan çox fərqli olan kantaron balı tünd rəngdə və bir az acı dada malikdir. Bundan başqa, bal maqnezium, kalium, fenol, flavanoid və antioksidanlar baxımından zəngindir.
Ən yaxşı və keyfiyyətli balı əldə etmək üçün arılara ənənəvi üsullardan çox fərqli baxım, müəyyən qaydaları yerinə yetirmək lazım gəlir ki, bu da bal istehsalını olduqca çətinləşdirir.
İldə 2-3 dəfə toplanan ticari ballardan fərqli olaraq kantaron balı ildə cəmi bir dəfə toplanır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
