Ukraynada Azərbaycan Gəncləri İttifaqının (UAGİ) “Əfsanələr UAGİ-də dirçəlir” layihəsi çərçivəsində Ukrayna xalq artisti, “Telefonçu qız” filmində Mehriban obrazını canlandırmış Raisa Nedaşkovskayanın yaradıcılıq gecəsi keçirilib.
UAGİ-dən APA-ya verilən məlumata görə, tədbirdə Azərbaycanın Ukraynadakı səfirliyinin I katibi Fərid Babayev, Birləşmiş Ukrayna Azərbaycanlıları Konqresinin sədri Rövşən Tağıyev, Ukrayna xalq artisti Qurban Abbasov və digərləri çıxış ediblər.
Səhnəyə dəvət olunan R. Nedaşkovskaya isə karyerası haqqında məlumat verib, sevdiyi şeirləri səsləndirib, habelə “Telefonçu qız” filminin çəkilişi zamanı yaşanmış maraqlı hadisələrdən danışıb. Aktrisa Ukraynanın müxtəlif regionlarında Donbasdakı hərbi əməliyyatlarda iştirak edən əsgərlərə dəstək məqsədilə konsertlərdə iştirak etdiyini də bildirib.
R. Nedaşkovskaya sonuncu dəfə Bakıda 1979-ci ildə olduğunu da əlavə edib.
Tədbirin sonunda “Telefonçu qız” filmi nümayiş olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
