Akademik Milli Dram Teatrının aktyoru, xalq artisti Ramiz Məlik sabah Mərkəzi Neftçilər Xəstəxanasında (MNX) əməliyyat olunacaq. Lent.az-ın məlumatına görə, bir neçə il öncə ürəyindən əməliyyat olunan aktyor, hazırda böyrək kistasından əziyyət çəkir.
Sabah saat 10 radələrində planlaşdırılan laparoskopik böyrək kistasının eksiziyası əməliyyatı 2 saata yaxın davam edəcək. Onun əməliyyatı həkim uroloq Rəşad Məmmədov Fərhad oğlunun rəhbərliyi altında olacaq.
Qeyd edək ki, R.Məlik 2 həftə öncə MNX-na müraciət edib. Xalq artisti müayinə olunub və əməliyyatı lazım bilinib.
Bununla bağlı Lent.az-ın əməkdaşı R. Məliklə əlaqə saxlayıb. Aktyor səhhəti barəsində bu sözləri deyib: “Mən bir neçə il öncə, təxminən 2 il bundan qabaq ürəyimdən əməliyyat keçirtmişəm. Həmin əməliyyatdan sonra 4 damarımı dəyişiblər. Sabah isə növbəti əməliyyata hazırlaşıram. Həkimlər böyrəyimdə olan kistanı götürəcəklər. Kİstanın olmasını təxminən 1 il öncə bilmişəm. Lakin ürəkdən sonra bu cür əməliyyat risqli, həm də təhlükəli sayılırdı. Məhz bu səbəbdən bu qədər yubandı. İnşallah, problem həllini tapar”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
