APA-nın verdiyi məlumata görə, Rəşid Behbudov adına Mahnı Teatrında keçirilən vida mərasiminə mədəniyyət nazirinin müavini Vaqif Əliyev, Azərbaycan Bəstəkarlar İttifaqının üzvləri, ombudsman Elmira Süleymanova, Milli Məclisin deputatları, ictimaiyyət nümayəndələri, tanınmış sənət və mədəniyyət xadimləri, xalq artistləri və bəstəkarın yaxınları qatılıb.
Mərasim saat 13.00-da başlayıb. Xalq artisti Fəxri Xiyabanda dəfn olunacaq.
Qeyd edək ki, Şəfiqə Axundova 1924-cü ildə Şəki şəhərində anadan olub. 1943-1944-cü illərdə A. Zeynallı adına Bakı Musiqi Məktəbində oxuyarkən Üzeyir Hacıbəyovdan dərs alıb. 1998-ci ildə Azərbaycan Respublikasının xalq artisti adına layiq görülüb. 2004-cü ildə isə “Şöhrət” ordeni ilə təltif edilib. Mərhum bəstəkar ötən gün vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
