Kim Peek 1951-ci ildə ABŞ-da doğulmuşdu. Uşaqkən ona əqli inkişafdan geri qaldığına dair diaqnoz qoyulmuşdu.
Lent.az-ın xəbərinə görə, Kim Peek ən adi məişət işlərini yerinə yetirə bilmirdi, lakin çox qeyri-adi bacarığa sahib idi. O çox güclü yaddaşı sayəsində gördüyü hər yazını əzbərləyirdi. Oxuduğu hər şey ən incə təfərrüatına qədər yadında qalırdı. Bir səhifəni 8 saniyəyə oxuyub əzbər yadda saxlayırdı. Həyatı boyu 12 min kitab oxumuşdu və onların hamısını əzbər bilirdi. Kim həmçinin təqvimdə ilin hansı gününü həftənin hansı gününə düşdüyün dərhal hesablaya bilirdi, həmin gündə baş vermiş tarixi hadisələri də əzbər deyə bilirdi.
IQ testlərinin nəticəsinə əsasən, onu gah dahi, gah da əqli zəif adam kimi qiymətləndirirdilər.
1988-ci ildə rejissor Barri Levinson bu qəribə adamla tanış olur və onun həyatından bəhs edən “Rain Man” ( “Yağış adam”) filmini çəkir. Filmdə baş rollarda Dastin Hoffman və Tom Kruz oynayırlar. Film “Oskar” mükafatı qazanır və bu mükafatı Kim Peekə verirlər.
Kim Peek 2009-cu ildə 58 yaşında infarkt keçirərək vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
