Reper Kanye Uest Moskvaya gəlmək, Vladimir Putinlə görüşmək və Ağalarovlar ailəsi ilə əməkdaşlıq etmək istəyir.
Lent.az xarici mediaya istinadla bildirir ki, bunu Kanyenin müşaviri Amir Sudan müğənninin planları barədə danışarkən deyib.
Rusiya Kanye üçün ikinci vətən olacaq, o, burada çox vaxt keçirəcək”, - o əlavə edib.
Eyni zamanda, qeyd edilir ki, noyabrda müsahibələrindən birində Uest özünü “gənc Putin” adlandırmışdı.
Sudanın köməyi ilə Uest nyu-yorklu vəkil Skott Balber vasitəsilə yeni müqavilələr bağlamağa hazırlaşır, onun müştəriləri arasında Azərbaycan əsilli rusiyalı iş adamı, “Krokus” tikinti şirkətininrəhbəri Aras Ağalarov və onun özünü müğənni kimi tanınan Emin də var. Reper Emin Ağalarovla birgə mahnı da yazdırmaq niyyətindədir.
Məlumata görə, Uest onlarla bir sıra sövdələşmələr bağlamaq istəyir ki, nəticədə onun sərvəti 10 milyard dollardan çox arta bilər.
Qeyd edək ki, Uestlə Ağalarovların ortaq tanışı ABŞ-ın keçmiş prezidenti Donald Trampdır: Ağalarovlar ailəsi onunla birgə layihələri müzakirə edib, Uest isə açıq şəkildə ona dəstək verib.
