Dilimizdə maraqlı ifadələr var. “Həftə səkkiz, mən doqquz”, “ doqquzlamaq”, “adım çıxmış doqquza, enməz səkkizə” kimi el məsəllərini çoxları eşidib.
Bəs bu ifadələr niyə, necə yaranıb?
Lent.az “ Belə yaranıb” rubrikasında doqquz rəqəminin mistikasından, onunla bağlı ifadələrin yaranmasından bəhs edir.
Öncə deyək ki, türk dünyasında 3, 7, 9 uğurlu simvollar hesab edilirdi. Atalar üçdən deyib, 7 gün, 7 gecə şadyanalıq etmək, 9 gün yol getmək kimi ifadələr də beləcə dilimizdə ilişib qalıb.
Türk xaqanları bir-birlərinə hədiyyə göndərəndə hər hədiyyədən 9 ədəd göndərərdilər. Bəzən hədiyyələrin sayı çox olanda onları doqquzladardılar, yəni 18 ədəd edib, iki doqquz, 27 ədəd göndərib 3 doqquzluq edərdilər. Buna doqquzlatmaq deyilərdi. Eyni qaydada üçü, yeddini də üçlədər, yeddilədərdilər.
Dilimizdə ironiya ilə işlədilən “üçləmək”, “doqquzlamaq” ifadəsi də özünü yekə aparıb, lovğalanan bir verdiyini 3 deyən adamlar haqqında işlədilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
