Dahi şairin xatirəsinə həsr olunmuş qızıl sikkə

Nizami Gəncəvinin təsviri olan 500 manatlıq əsginaslar 2006-cı ildə denominasiya zamanı dövriyyədən çıxarıldı.

Lent.az-ın xəbərinə görə, cəmi 2 il sonra Azərbaycan Mərkəzi Bankı (o zaman Azərbaycan Milli Bankı) böyük şairin xatirəsinə 100 manat nominalında qızıl sikkə buraxdı.

Texniki arayış
Seriya: MƏDƏNİYYƏT
Nominal: 100 Azərbaycan manatı (AZN)
Buraxılış ili: 2008
Buraxılış sayı: 1 000 ədəd
Kütlə: 31,1 qram (1 unsiya)
Diametr: 37 mm
Material: Qızıl (Au)
Əyar: 999,9

Xatirə sikkəsinin üz tərəfində mütəfəkkirin portreti, arxa tərəfində Azərbaycan miniatürləri təsvir olunub. Portretin ətrafında buraxılış ili, “Azərbaycan Respublikası” sözləri və şairin adı, həmçinin pulun nominalı həkk olunub.

Pul Avstriyanın Muntse Osterreyx zərbxanasında hazırlanıb. Sikkələrin hazırlanmasına texniki itkilər də daxil olmaqla 32 kiloqramadək qızıl sərf olunub. Bu da Azərbaycan dövlətinin dahi şairə verdiyi qiymətin təcəssümüdür.

Qızıl hər zaman dəyərini saxladığı üçün bu sikkə daim AZərbaycan Respublikasında qanuni ödəniş vasitəsi olaraq qalacaq.