“Günay” uşaq teatrı Bolqarıstana gedəcək
26 may 2011 14:38 (UTC +04:00)

“Günay” uşaq teatrı Bolqarıstana gedəcək

Festival xalqlararası mədəni əlaqələrin, beynəlxalq yaradıcılıq münasibətlərinin, sülhün, dostluğun və əməkdaşlığın möhkəmləndirilməsi, inkişaf etdirilməsi məqsədi ilə təşkil olunub. Festival-müsabiqədə ölkəmizi Azərbaycan Dövlət Musiqili Komediya Teatrının nəzdində fəaliyyət göstərən yaradıcılıq studiyasının “Günay” uşaq teatrı təmsil edəcək.


Teatrdan Lent.az-a verilən məlumata görə, balaca artistlər festivalda “Balıqçı və balığın nağılı” tamaşası ilə Bolqarıstan tamaşaçıları qarşısına çıxacaq. Onlar Rusiya, Polşa, Ukrayna, Bolqarıstanın peşəkar mədəniyyət və incəsənət ustalarının təşkil etdiyi ustad dərslərinə də qatılacaqlar.


Xatırladaq ki, “Günay” uşaq teatrı keçən il UNESCO-nun təşkilatçılığı ilə keçirilən Uşaq və Gənclər Teatrlarının 24-cü Beynəlxalq Festivalında da iştirak etmişdilər. Parisdə Tuluza-Daniel Sorano Teatrında keçirilən bu festivalda Ü.Hacıbəylinin “Arşın mal alan” komediyasını göstərən “Günay” uşaq teatrı mədəni ənənələri əks etdirən təsirli və dərin məzmunlu tamaşa üçün xüsusi mükafata layiq görülmüşdü.

Xəyalə
# 606

Oxşar yazılar