Məşhur vokalçı Bakıda Karmeni oynayacaq

Oktyabrın 20-də Azərbaycan Dövlət Akademik Opera və Balet Teatrında Jorj Bizenin “Karmen” operasının tamaşası keçiriləcək. Teatrın mətbuat xidmətindən Lent.az-a verilən məlumata görə, dünya opera sənətinin inciləri sırasına daxil olan əsərdə Karmen partiyasını ifa etmək üçün hazırda Avropada çox populyar olan vokalçılardan biri – K.S.Stanislavski və Vl.Nemiroviç-Dançenko adına Moskva Akademik Musiqili Teatrının aparıcı solisti, vokalçıların M.İ.Qlinka adına və Beynəlxalq “Bellini” müsabiqəsinin “Qran-Pri” mükafatı və qızıl medalının sahibi Larisa Andereyevanı dəvət edib.

Opera və Balet Teatrının rəhbərliyinin dəvəti ilə ilk dəfə olaraq bu tamaşada oynayacaq L.Andreyeva bir çox ölkənin – Danimarka, Hollandiya, Almaniya, İspaniya, Fransa, İngiltərə, İtaliya, Portuqaliya və Yaponiyanın opera teatrlarında uğurlu qastrol səfərlərində olub. Portuqaliyanın Lissabon şəhərində keçirilən beynəlxalq Opera festivalında o? Karmen rolunun ən yaxşı ifaçısı üçün təsis edilmiş prizə layiq görülüb.

Xarici KİV-i L.Andreyevanın ifası haqqında yüksək fikirlər söyləyir, onu “dünya operasının divası və ulduzu, parlaq akrtisa adlandırırlar”.
Oktyabrın 20-də tamaşada L.Andreyeva ilə yanaşı Azərbaycan Dövlət Akademik Opera və Balet Teatrının aparıcı solistləri – Azərbaycanın xalq Artisti - Əli Əsgərov (Suniqo), əməkdar artist İnarə Babayeva (Mikaella), həmçinin gənc və istedadlı vokalçılar - Vokalçıların Bülbül adına III Beynəlxalq müsabiqəsinin laureatı Fərid Əliyev (Xoze) və Anton Ferştandt (Eskamilio) çıxış edəcəklər.
Tamaşanı Azərbaycanın xalq Artisti, professor Cavanşir Cəfərov idarə edəcək.
Jalə