Pişiklər digər ev heyvanlarının ölümünə yas tuturlar - ŞOK ARAŞDIRMA

Pişiklər əsasən müstəqil heyvanlar kimi qəbul edilir, sevgilərində dəyişkəndir.

Lent.az xəbər verir ki, ancaq son araşdırmalar pişiklərin itlər də daxil olmaqla, başqa bir ev heyvanını itirdikdən sonra kədərlənə biləcəyini göstərir.

Araşdırma zamanı, itki ilə üzləşən pişiklər adətən pis yatıblar, yeməkdən imtina ediblər və ya narahat səsləri çıxarıblar. Bəziləri sahiblərinə daha çox bağlanıb, bəziləri isə adi oyunlarını tərk ediblər.

Tədqiqatçılar qeyd edirlər ki, bu tapıntılar pişiklərin asosial olduğuna dair ümumi inanclarla ziddiyyət təşkil edir və bu, itkiyə psixoloji reaksiyanın bir çox növ üçün ümumi ola biləcəyini göstərir.

ABŞ-ın Oklend Universitetinin tədqiqatçıları bildiriblər ki, araşdırmaya cəlb olunan pişiklər daha az yatırdılar, yeyirdilər və oynayırdılar. İnsanlardan və digər ev heyvanlarından daha çox diqqət axtarırdılar, gizlənirdilər, tək vaxt keçirirdilər və sanki itirilmiş yoldaşlarını axtarırdılar.

Heyvanlar aləmində kədər nadir deyil, bir çox növ öz yoldaşlarının ölümünə mürəkkəb davranış reaksiyaları nümayiş etdirir. Bununla belə, alimlər qeyd edirlər ki, pişiklərdə bu cür əlamətlərin təzahürü əlavə araşdırma tələb edir.

Tədqiqat zamanı digər ev heyvanı bu yaxınlarda ölmüş 450-dən çox pişiyin sahibləri ilə müsahibə aparılıb. Əksər hallarda ölən heyvan başqa bir pişik, qalanlarında isə it olub. Nəticələr göstərib ki, pişiklər nə qədər uzun müddət birlikdə yaşasalar, itkiləri bir o qədər çox yaşayırlar. Eyni zamanda, ölümün və evdəki ev heyvanlarının sayının birbaşa müşahidəsi həlledici rol oynamayıb.