Niyə hər gün armud yemək lazımdır?

Armud diabetlə mübarizədə faydalıdır və hətta bəzi ürək xəstəliklərinin qarşısını almağa kömək edə bilər.

Lent.az xarici mətbuata istinadən xəbər verir ki, mütəxəssislərin fikrincə, armudun istənilən çeşidi qida maddələri ilə zəngin olduğu üçün eyni dərəcədə faydalıdır. Armud yemək xəstəliklərlə mübarizə aparmağa və orqanizminizi faydalı maddələrlə doyurmağa kömək edir.

Armud çoxlu antioksidant, lif, kalium və C vitamini ehtiva edir. Tədqiqatçılar həftədə yeyilən armudun hər porsiyası üçün 2-ci tip diabetin inkişaf riskinin 3 faiz azaldığını müəyyən ediblər.

Bundan əlavə, armudun tərkibindəki lif nəcisin həcmini artırır. Armud həmçinin flavonoidlər kimi tanınan güclü antioksidantlarla zəngindir ki, bu da iltihabı azaldır və xərçəng, ürək xəstəliyi, bakterial, göbələk və infeksiyalar, Alzheimer xəstəliyi, demans və Parkinson xəstəliyi riskini azaldır.

Armudun tərkibindəki kaliumun isə ürək xəstəliyi üçün başqa bir risk faktoru olan yüksək qan təzyiqini aşağı salmağa kömək etdiyi bilinir.