Supermarketlərin rəfləri müxtəlif növ pomidorlarla doludur, lakin həqiqətən şirin və təzə pomidor seçmək hamı üçün asan deyil.
Lent.az düzgün pomidor seçməyin üsullarını təqdim edir:
Yaxşı pomidoru necə seçmək olar?
Keyfiyyətli pomidoru müəyyən etməyin sadə, lakin təsirli bir yolu var gövdə hissəsinə (saplağa) diqqət yetirmək.
Bəzən pomidorlar yaşıl budaqla satılır, bəzən isə tamamilə budsuz olur. Bu, sadəcə estetik fərq deyil. Yaşıl saplaq pomidorun təzə və keyfiyyətli olduğunun əsas göstəricisidir. Əgər pomidor üzərində yaşıl budaq hələ də qalırsa, bu, onun tam yetişmiş halda dərildiyini və uzaq məsafələrdə daşınmadığını göstərir. Belə pomidorlar adətən yerli istehsal olur və konteynerlərdə, süni şəkildə yetişdirilmədən mağazaya çatdırılır.
Niyə saplaq bu qədər vacibdir?
Saplaq təkcə pomidorun təzəliyini göstərmir, həm də mühüm qoruyucu funksiyaya malikdir. O, meyvəyə mikroorqanizmlərin xüsusən də kifin daxil olmasının qarşısını alır və eyni zamanda rütubətin tez itirilməməsinə kömək edir. Bu isə pomidorun həm dadını, həm də cəlbedici görünüşünü qorumaq üçün çox vacibdir. Amma əgər saplaq qəhvəyi və qurumuş görünürsə, bu, pomidorun artıq təzəliyini itirdiyinə işarədir.
Pomidorları düzgün seçmək və saxlamaq qaydaları
Ən yaxşısı, saplaqlı pomidorları seçməkdir.
Əgər pomidorları ayrı-ayrılıqda alırsınızsa, yaşıl saplağın hələ də üzərində olduğuna diqqət edin.
Belə pomidorlar həm daha dadlı, həm də uzunömürlü olur. Saxlama qaydalarına gəlincə pomidorları otaq temperaturunda, yaxşı havalanan və kölgəli yerdə saxlamaq lazımdır. Soyuducu isə pomidorun dadını və teksturasını tez korlaya bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
