Bill Qeytsdən gənclərə 5 MƏSLƏHƏT

Dünyanın ən varlı adamlarından olan Bill Qeyts əslində ali təhsil almayıb. Ancaq üç dəfə universitet məzunları üçün açılış nitqi söyləməli olub. Birincisi 2007-ci ildə bunu heç vaxt bitirmədiyi Harvardda edib, sonra 2014-cü ildə Stanfordda, üçüncü çıxışı isə Şimali Arizona Universitetini bitirən gələcək mühəndislərə və meşə təsərrüfatı mütəxəssislərinə olub.

Lent.az xəbər verir ki, Bill Qeyts bu çıxışlarının birində gənclərə 5 məsləhət verib.

Birincisi, Qeyts deyir ki, həyatın birpərdəli oyun olmadığını yadda saxlamaq lazımdır. Bu isə o deməkdir ki, bu gün qəbul edilən qərarlar böyük əhəmiyyət kəsb edə bilər. Ancaq sabah və ya növbəti on il ərzində edəcəyiniz şey həmişə edəcəyiniz şey olmamalıdır.

İkincisi, çox ağıllı olmaq mümkün deyil.

“Mən kolleci bitirəndə bilməli olduğum hər şeyi bildiyimi düşünürdüm. Ancaq yeni bir şey öyrənmək üçün ilk addım bilmədiklərinizi qəbul etməkdir. Karyeranızın hansısa məqamında təkbaşına həll edə bilməyəcəyiniz problemlə qarşılaşacaqsınız. Bu baş verəndə panik etməyin. Nəfəs alın. Özünüzü hər şeyi düşünməyə məcbur edin. Və sonra öyrənmək üçün ağıllı insanlar tapın", - deyə Qeyts bildirib.

Üçüncüsü, Qeyts bəzi vacib problemləri həll edən iş seçməyi məsləhət görür:

“Yaxşı xəbər odur ki, siz bir çox vacib məsələlərin həll edilməli olduğu bir vaxtda məzun olursunuz. Məsələn, bir çoxunuz meşələrdə işləyəcəksiniz. Professorlarınız sizə dəqiq meşə xəritələri yaratmaq üçün LIDAR-dan istifadə edən dronlar kimi qabaqcıl vasitələrdən danışıblar. İqlim dəyişikliyi ilə mübarizə aparmaq üçün bu texnologiyadan istifadə etməyin yeni yollarını tapa bilərsiniz. Bəziləriniz proqramçı kimi karyeraya başlamaq üzrəsiniz. Bütün insanların süni intellektdən faydalana biləcəyinə və ya süni intellektlə bağlı qərəzlərin aradan qaldırılmasına kömək etmək üçün istedadlarınızdan istifadə edə bilərsiniz.”.

Dördüncü məsləhət bizə dostluğun necə güclü olması ilə bağlıdır. Qeyts bir çox maraqlarını bölüşən və elmi fantastika romanlarını və kompüter jurnallarını sevən bir sinif yoldaşı ilə məktəbdə necə dost olduğunu danışır. Bu dostun adı Paul Allen idi və onlar birlikdə “Microsoft”u qurdular.

“Unutmayın ki, mühazirələrdə yan-yana oturduğunuz, Snowbowl-da xizək sürdüyünüz və Wingo Night ilə yarışdığınız insanlar təkcə sizin sinif yoldaşlarınız deyil. Onlar sizin şəbəkəniz, gələcək həmtəsisçiləriniz və həmkarlarınızdır”, - deyə o bildirib.

Qeytsin beşinci məsləhəti insanların özlərinə vaxt ayırıb, dincəlməli olduğu ilə bağlıdır.

“Mən sizin yaşınızda olanda bayramlara inanmırdım. Həftə sonlarına inanmırdım. Ətrafımdakı hər kəsi həqiqətən çox işləməyə məcbur edirdim. “Microsoft”un ilk günlərində ofisim dayanacağa baxırdı və kimin tez getdiyini, kimin gecikdiyini izləyirdim. Amma yaşlandıqca, xüsusən də ata olanda anladım ki, həyatda işləməkdən daha çox şey var. Bu dərsi öyrənmək üçün mənim gözlədiyim qədər gözləməyin. Lazım olanda fasilə verin”.