42 il əvvəl göndərilən məktub İNDİ AÇILDI

Böyük Britaniya sakini Avstraliyadan 42 il əvvəl göndərilmiş açıqca alıb.

Lent.az xəbər verir ki, bu barədə NTK məlumat yayıb.

46 yaşlı Samatha Villiams sözlərinə görə, məktub onun iki uşağı ilə yaşadığı evə gəlib.

Məktubda yazılıb:

"Əzizim, buna inanmayacaqsan, amma indicə 8 May məktubunu oxudum. Əlaqə saxlamadığım üçün üzr istəyirəm, mənə nə deyə bilərsən? Sabah yazacam, ümid edirəm ki, yaydan zövq aldın".

Üzərində Sidney Liman Körpüsünün şəkli olan kart Stiv Pedcetə ünvanlanıb. Təəccüblənən Samantanın dediyinə görə, o, əvvəllər valideynləri Lilian və Denis ilə Kent ştatının Margate yaxınlığındakı Westgate-on-Sea şəhərindəki evində yaşayıb.

Məktub 1981-ci il avqustun 27-də Samantanın 4 yaşı olanda göndərilib. Böyük Britaniyaya çatana qədər təxminən 17 min km yol qət edib. İndi britaniyalı qadın Stivin və ya ailəsinin kartı verməsini istəyir.

"Çox istərdim ki, Stiv Pedceti tapıb Avstraliyadakı dostundan bir açıqca verim. Amma bütün sorğulara baxmayaraq, onu tapa bilmirik. Qonşumuz ailəni tanıyırdı, amma təəssüf ki, o öldü, ona görə də indi sirr olaraq qalır.

Düşünürəm ki, Steve Pedceti artıq 50-60 yaşlarında olardı, amma əminəm ki, 42 il əvvəl olmasına baxmayaraq o, dostu Cerrinin ona yazdıqlarını bilmək istəyərdi. Cəmi 35 sent dəyərindədir. Bəlkə ilişib qalıb. Avstraliyadakı çeşidləmə ofisində və ya burada”, - qadın bildirib.