Qadın təşkilatı erotik filmi boykota səsləyir - VİDEO

İngiltərə və ABŞ-da ailədaxili zorakılıqla mübarizə aparan təşkilatlar "Bozun 50 çaları" filminin böykot edilməsini təklif ediblər.

Axşam.az-ın xarici mediaya istinadən xəbərinə görə, qadın təşkilatlarından biri dünyanın ən məşhur kitablarından olan El Ceyms Mitçelin "Bozun 50 çaları"nın film versiyasının zorakılığı reklam etdiyini iddia edib. Onlar "50 çalar deyil, 50 dollar" adlı kampaniyaya başlayaraq, hər kəsi kinoteatrda xərclənəcək pulu təşkilata bağışlamağa səsləyiblər.

İngiltərədə başlayan kampaniyanın "Facebook" səhifəsində "Hollivudun sizin pulunuza ehtiyacı yoxdur, amma zorakılığa məruz qalmış qadınların var" ifadələri yer alıb.

Qeyd edək ki, yazıçı El Ceymsin eyniadlı bestselleri əsasında çəkilən "Bozun əlli çaları" erotik trillerinin premyerası fevralın 11-də Berlin kinofestivalında olacaq. Filmin rejissoru Sem Teylor-Conson, eyni zamanda baş rol ifaçıları Dakota Conson və Ceymi Dornan nümayişdə şəxsən iştirak edəcəklər. Film Azərbaycanda fevralın 14-də nümayişə gorəcək.