İlhamə Quliyeva Aygünün müdafiəsinə qalxdı, Natəvana yerini göstərdi

Xalq artisti Aygün Kazımova ilə müğənni Natəvan Həbibi arasındakı qalmaqala xalq artisti İlhamə Quliyeva münasibət bildirib. Məkanların birində əməkdaşımızla qarşılaşan xalq artisti Lent.az-a açıqlamasında bildirib ki, Natəvanın Aygün barəsində dedikləri onun ürəyincə olmayıb. O bildirib ki, Natəvana səlahiyyət verməyib ki, Aygün Kazımovaya nəsə desin: “Mən heç vaxt Natəvana deməmişəm ki, mən sənin arxandayam. Natəvan bilməlidir ki, Aygün Kazımova Azərbaycanın xalq artistidir. Ona söz qaytarmaq lazım deyil. Bu yolverilməzdir. Otursun yerində. Mehriban olsun. Olmursa, mənim adımdan istifadə etməsin. Mən Natəvana sadəcə kompliment olaraq “Prinsesa” adını vermişdim. Bu fəxri ad, titul deyil. Sadəcə, xoş bir söz idi”.