Azəri Günel həbs qərarından danışdı - YENİLƏNİB

Məlumatı dəqiqləşdirmək üçün Lent.az-ın əməkdaşı hazırda Türkiyədə olan Azəri Günellə əlaqə saxlayıb. O isə yazılanların yalan olduğunu deyib: "Bunu kim yazıb? Məlumat hardandır? Heç mənim bu işdən xəbərim də yoxdur. Mən hazırda evdəyəm".

****

07.47

Azəri Günelə 6 ay həbs cəzası

Azəri Günel Zeynalovaya həbs qərarı verilib. Lent.az-ın Türkiyə mediasına istinadən verdiyi məlumata görə, onun həbsinə səbəb, eks sevgilisi Rza Zərraba “başından güllələyərəm” söyləyərək, ölümlə hədələməsi göstərilir.

Məlumatda bildirilir ki, Azəri Günelə 6 ay azadlıqdan məhrum etmə cəzası verilib.

Hakim Günelin hədə-qorxu gəldiyinə görə 6 ay azadlıqdan məhrum edilməsinə qərar verib. Lakin müğənni məhkəməni yenidən cinayət işləməyəcəyinə inandırıb. Buna görə də qərarın açıqlanması təxirə salınıb.

Qeyd edək ki, Günel, daha öncə Zərrab ilə aralarında keçən telefon danışıqları razılığı olmadan yaydığı üçün 9 ay müddətinə həbs cəzasına məhkum edilib. Həmin vaxt 9 ay müddətinə həbs cəzasına məhkum edilmiş müğənni barəsindəki qərarın elanı da təxirə salınmışdı.