Bu gün xalq artisti Flora Kərimova Beynəlxalq Mətbuat Mərkəzində mətbuat konfransı keçirib. Lent.az-ın məlumatına görə, konfransda sənətkarın ifa etdiyi “Necə unudum səni” mahnısının təqdimatı olub.
Rejissor Turkay Azərinin ərsəyə gətirdiyi ekran işi təqdim olunduqdan sonra F. Kərimova klip barədə öz təəssüratlarını bölüşüb: “Allaha çox şükür ki, bu yaşımda oxuya bilirəm. Buna görə sizlərə borcluyam. Çünki məni enməyə qoymadınız. Buna görə də sizlərə “çox sağ ol” düşür. “Necə unudum səni” mahnısı illər öncə ərsəyə gəlib. Həmin vaxtlar qızım evdə xəstə idi. Onu evdə qoyub getmişdim mahnını yazdırmağa, məcbur idim, bunu məndən tələb edirdilər. Mahnını ağlaya-ağlaya yazdırmışdım... Klipi çox bəyəndim, halal olsun rejissora. Bir sözlə peşəkar bir iş ərsəyə gəlib”.
Xatırladaq ki, F. Kərimovanın “Necə unudum səni” mahnısını yeni versiyada Arif Flash və Dj Parcın işləyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
