Azərbaycanlı model rus serialında

Türkiyədə yaşayan azərbaycanlı model Günay Musayeva Rusiyanın “Rusiya-1” televiziyasından təklif alıb. “Qafqazinfo” xəbər verir ki, model Rusiyanın tanınmış rejissoru Murad Alıyevın dəvəti ilə “Türk tranziti” adlı serialda baş rola çəkilir. 8 bölümlük serialda türk “patroniça” Şahnur obrazını canlandıran Günay artıq Rusiyanın paytaxtı Moskvada baş tutan çəkilişlərin bir hissəsində iştirak edib.

Serial rus yazarı Vladimr Qrinkovun “Turk tranziti” betsellerinin motivləri əsasında çəkilir. Serialda tanınmış rus kıno aktyorları Yanina Studilina, Boris Serbakov, Yulya Melnıkova, Eldar Lebedev, Vladimr Jerebcov, Larisa Kadocinkova, Beso Qataev, Maksim Vajov, Aleksandr Lobanov rol alıb. Günay Musayeva keçirilmiş kastinqdə 380 aktyor arasından seçilib. Serial rus -turk ortaq mafiyasından bəhs edir. Serial rusiyalı əkiz bacıların mafiya tərəfindən oğurlanaraq Türkiyəyə gətirilməsi və daha sonra onların başına gələn acı hadisələrdən bəhs edir.

Serial gələn ilin ilk ayı Rusiyanın birinci kanalı olan “Rossıya -1” TV-də yayımlanacaq.