Fatimə ad gününə sürpriz vəd etdi

Ötən gün Türkiyəyə yola düşən tanınmış rəqqasə Fatimə Fətəliyeva aprelin 3-ü qeyd edəcəyi doğum günündən və məşhurlarla birgə layihəsindən söz açıb.

Hazırda Türkiyədə olan rəqqasə Lent.az-a bildirib ki, doğum günündə bir çox sürprizlər olacaq: “Aprelin 3-ü həm doğum günümü, həm də yeni layihəmi təqdim etməyə hazırlaşıram. Həmin gün isə layihədə yer alacaq dostlarımla yanaşı şou-biznesin bir çox tanınmış simaları gecəyə qatılacaq. Dəvət olunan qonaqların hər biri mənə yaxın insanlardır. Bir sözlə yad adamlar olmayacaq.

Qonaqlar iki hissəli bir gün yaşayacağıq. Birinci hissədə, saat 19:00-da klip təqdimatı, ondan dərhal sonra ikinci hissədə ad günümün ziyafəti başlayacaq. Həmin günə bir çox sürprizlərim var. Özü də nə sürprizlər.

Bircə onu deyə bilərəm ki, ad günümdə geyinəcəyim paltarlar da Türkiyədə hazırlanıb. Bundan əlavə daha bir məlumatda verə bilərəm ki, Türkiyədə yaradıcılıq işlərimlə bağlı danışıqlar aparıram”.

Qeyd edək ki, F.Fətəliyevanın aprelin 3-ü “Neon” restoranında keçiriləcək ad gününü ilk dəfə olaraq mediaya açıq olacaq.