Teoman qalmaqallı mahnısından danışdı: "Bu siyasət deyil"

Türkiyəli məşhur müğənni Teoman tənqidlərə cavab verib.

Lent.az xarici KİV-ə istinadən xəbər verir ki, sentyabrın 29-da yayımlayacağı “Kendi Vatanında Parya” mahnısını Necip Fazıl Kısaküreke həsr etdiyini açıqlayan Teoman sosial şəbəkədə yeni paylaşımı ilə tənqidlərə açıqlama verib.

“Dünən bir yazı dərc etdim. Necip Fazıl Kısaküreke həsr etdiyim bir sinqlı çıxaracağam: “Kendi Vatanında Parya” bu satirik mahnı olacaq. Cem Karacanın "Sahibi Geldi" mahnısından ilhamlanaraq gənclərə örnək olaraq.

Axırıncı fəsli oxusanız başa düşərsiniz, qocalara ümidim yoxdur. Cavanlar qocanın səhvlərini təkrarlamamalı, qocalar da onların aləmində olmamalıdır. bu kimin ölkəsidir? Bu ölkə onun üzərində yaşayan hər kəsə məxsusdur. Mən istəyirəm ki, bu mahnı siyasətə deyil, sosial sülhə xidmət etsin”.