Türkiyənin Muğla vilayətində avtomobilini polis əməkdaşlarının üzərinə sürdüyü üçün saxlanılan müğənni Dilan Çıtak barəsində məhkəmə qərarı verilib.
Lent.az-ın Türkiyə mediasına istinadla verdiyi məlumata görə, ifaçı məhkəmə tərəfindən nəzarət şərti ilə azadlığa buraxılıb.
Məhkəmə binasını tərk edərkən Dilan Çıtak baş verənlərə münasibət bildirib.
"Təəssüf edirəm, bu, sadəcə kiçik bir anlaşılmazlıq idi. Qısa zamanda aydınlaşacaq", - deyə o qeyd edib.
***
27 iyul, saat 19:02
Türkiyənin məşhur sənətkarı İbrahim Tatlısesin qızı Dilan Çıtak Bodrumda ona "dayan" əmri verən polis əməkdaşının üzərinə avtomobilini sürüb.
Lent.az xəbər verir ki, bu barədə sosial mediada məlumat yayılıb.
Polis, havaya iki dəfə atəş açaraq Çıtakı dayandırıb və onu nəzarətə alıb.
Muğla vilayətinin Bodrum rayonunun Konacık məhəlləsində, Atatürk Bulvarında avtomobili ilə hərəkətdə olan Dilan Çıtak idarə etdiyi pikap tipli maşınla təhlükəsizlik zolağından irəliləyərək yol hərəkəti təhlükəsizliyini pozub.
Vətəndaşların şikayəti əsasında hərəkətə keçən yol polisi əməkdaşları sürücünü saxlamaq istəyiblər. Ancaq Dilan Çıtak polisin "dayan" xəbərdarlığına məhəl qoymadan qaçmağa cəhd edib. Polis onu dayandırmaq üçün havaya iki dəfə atəş açıb.
Hadisə yerinə çoxsaylı polis əməkdaşı göndərilib. Qısa müddət sonra avtomobilindən enərək başqa bir maşına minən Çıtak, daha sonra yenidən öz avtomobilinə qayıdaraq içəridən qapıları bağlayıb. Bu zaman o, jurnalistlərə də təhqiramiz ifadələr işlədib və çətinliklə nəzarət altına alınıb.
Dilan Çıtak barəsində tədbir görülməsi üçün Rayon Polis İdarəsinə aparılıb. Hadisə ilə bağlı istintaq davam edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
