Dünən müğənni Yaqut Nərimanın əri tərəfindən qətlə yetirilməsi hadisəsi cəmiyyətdə şok effekti yaratdı. İkinci şoku isə müğənni Əli Mirəliyev yaradıb.
Lent.az-ın xəbərinə görə, müğənni efirə çıxaraq günahın öldürülən müğənnidə olduğunu, Yaqutun ərinə xəyanət etdiyini, yolunu azdığını bildirib.
“İçib tez-tez məni yığırdı. Tanınsın deyə onu özümlə efirlərə aparmışam, amma sonra bildim ki, pis yollara düşüb”,- deyən Əli Mirəliyevin çıxışı müğənninin ailəsi tərəfindən narazılıqla qarşılanıb.
Əli Mirəliyev bu gün qatıldığı teleproqramlardan birində müğənninin anasından üzr istəyib. O əsəbi olduğunu, düşünmədən xoş olmayan ifadələr işlətdiyini desə də, Yaqut Nərimanın anası Əli Mirəliyevi bağışlamadığını, üstəlik Əli Mirəliyevin Yaquta pul borclu olduğunu bildirib.
Qeyd edək ki, Yaqut Nəriman adı ilə tanınan müğənni Yaqut Həşimova dünən həyat yoldaşı Anar Həşimov tərəfindən bıçaqlanaraq öldürülüb. Onlar 2013-cü ildə ailə həyatı qurublar və bir övladları var.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
