Britaniya məhkəməsi prodüseri döyməkdə şübhəli bilinən amerikalı müğənni Kris Braunun zaminə buraxılmasına icazə verib.
Lent.az xarici KİV-ə istinadən xəbər verir ki, Braunun azadlığa buraxılması üçün 6,7 milyon dollar məbləğində zamin pulu ödəməsi tələb olunacaq. Bundan əlavə, müğənni məhkəməyə qədər Böyük Britaniyada yaşamağa, həmçinin pasportunu polisə təhvil verməyə məcburdur. Bu məhdudiyyətlərə baxmayaraq, Brauna ABŞ, Kanada və Avropa ölkələrində dünya turunu başa çatdırmaq imkanı veriləcək.
Mayın 16-da Britaniya polisi Kris Braunu prodüser Eybe Diauya hücum etməkdə şübhəli bilərək həbs edib. İstintaq versiyasına görə, 2023-cü ilin fevralında Londondakı Mayfer rayonunda yerləşən gecə klubunda Braun prodüserin başına tekila şüşəsi vurub, onu yumruq və təpiklə döyüb. Zərərçəkənin dediyinə görə, bu hücum səbəbsiz baş verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
