Ayanın qardaşı bacısının işlərini yarımçıq saxlatdı - FOTO

Müğənni Ayan təcili Türkiyəyə getməli olub. Lent.az-ın məlumatına görə, buna səbəb qardaşından gələn qəfil zəng olub: “Yay fəsli girənə qədər bir neçə xarici ölkələrə səfər edib istirahət etdiyim üçün yenidən tətil etməyi payız aylarına planlaşdırmışdım. Amma həqiqətən də qismətdən qaçmaq olmur. Çoxlarına məlumdur ki, əkiz qardaşım Samir xeyli vaxtdır İstanbulda yaşayan və orada işləyir. Ötən gün zəng edərək, anam və mənim üçün çox darıxdığını söylədi. Qardaşım mənə o qədər əzizdir ki, istəyini dərhal yerinə yetirməyə qərar verdik. Görüş yeri olaraq da Bodrumu seçdik”.

Müğənni bildirib ki, hələlik bir müddət Türkiyədə qardaşının yanında qalacaq: “Bakıya qayıdanda ilk işim əməkdar artist Abbas Bağırovun mənim üçün yazdığı sürpriz mahnını lentə yazdırmaq olacaq”.