Kənan Doğulu: “Çox sevdiyim azərbaycanlı bir müğənni var, onun adı... ”

Konsertdən əvvəl müğənni yerli mətbuat nümayəndələri ilə görüşüb. Lent.az-ən məlumatına görə, müğənni qapıdan içəri girən kimi qonaqları “necəsiniz” deyərək salamlayıb və sözünə belə davam edib: “Mən Bakıda olmağıma çox şadam və sevimli azərbaycanlı pərəstişkarlarımla görüşməkdən böyük məmnunluq duyuram. İnanıram ki, konsertimiz Bakı və bakılılar üçün maraqlı və yaddaqalan olacaq. Çox yaxşı əylənəcəyik. 6 il əvvəl gəlmişdim, çox böyük dəyişikliklər var. Kaş ki, İstanbul da bu qədər inkişaf etsin”.

Müğənni Azərbaycanı çox sevdiyini və bizim telekanalları izlədiyini deyib. O, azərbaycanlı sənətçiləri çox da yaxşı tanımadığını etiraf edib: “Mənim “Aklım karışdı” mahnım Azərbaycan musiqisinə yaxındır. Azərbaycanı “Eurovison”da daha çox bəyəndim. Çox sevdiyim bir azərbaycanlı müğənni var, onun adı Əzizə Mustafazadədir. Heyranıyam, cazı sevirəm”.

Qeyd edək ki, bu, Kənan Doğulunun Bakıya ikinci səfəridir.

Konsert “SA Organization” şirkətinin təşkilatçılığı və Buta İncəsənət Mərkəzinin şirkətlərindən biri olan “BUTA production”un dəstəyi ilə həyata keçirilir.

Lalə Yusifqızı