Günay İbrahimlidən yeni mahnı və klip - FOTO

Bir neçə ay bundan qabaq “İzlər” mahnısı ilə yaradıcılığında uğur əldə edən gənc müğənni Günay İbrahimli yeni mahnı yazdırır. Lent.az-ın məlumatına görə, musiqisi Pərviz Mahmudova, sözləri Leyliyə məxsus olan “Səndən öncə, səndən sonra” mahnısı bir neçə gündən sonra hazır olacaq. Lakin mahnı hazır olduqdan və ona klip çəkildikdən sonra tamaşaçı və dinləyicilərin öhdəsinə buraxılacaq.
Klip çəkilişləri bu ayın sonlarında başlayacaq. Klipin rejissor işi Nail Naiboğlunun öhdəsinə buraxılıb. Mahnının aranjemançısı məşhur müğənni Gökhan Erolun qardaşı Hakan Eroldur.
Günay İbrahimli bu ifaya çox ümid bəslədiyini, “İzlər” qədər ona uğur gətirən bir ifa olacağına inandığını deyib.