Faiq Ağayev və Zaur Baxşəliyev Masallıda döyülüb?
25 iyul 2011 01:15 (UTC +04:00)

Faiq Ağayev və Zaur Baxşəliyev Masallıda döyülüb?

Xeber44.com portalının yaydığı xəbərə görə, Masallı rayon mərkəzində Mədəniyyət Evinin qarşısında çəkilişləri aparılan şou-proqram bir qrup rayon sakininin narazılığına səbəb olub. Məlumata görə, bir qrup gənc proqramının aparıcısı Zaur Baxşəliyevi və iştirakçı olan müğənni Faiq Ağayevi döymək istəyiblər. Lakin hadisə yerində olan polislər insidentə müdaxilə ediblər.

İnsident yaratmaq istəyənlərdən bir neçəsinin saxlanıldığı bildirilir.

Sayt qeyri-dəqiq məlumata görə, Faiq Ağayevi mühafizə edən cangüdənlərdən birinə bıçaqla xəsarət yetirildiyini də yazıb.

Məlumata görə, baş verən olaydan sonra şou proqramın çəkilişi yarımçıq saxlanılıb, çəkiliş qrupu Bakıya qayıdıb.

Sayt videoçəkiliş də təqdim edib.

Faiq Ağayevin facebook profilində isə bu xəbərin yalan olması barədə məlumat yerləşdirilib. Məlumata görə, Faiq Ağayev yazılanları “yalan və şayiə” adlandırıb, bunların konsert proqramını gözdən salmaq üçün edildiyini deyib. O bildirib ki, bir həftədən sonra veriliş yayımlanacaq.
# 2175

Oxşar yazılar