Türk aktyoru azərbaycanlı müğənninin klipində ağlayıb...

Bu barədə Lent.az-a məlumat verən müğənni deyib ki, klip çəkilişləri İstanbulda baş tutub.

Klipin rejissoru Orman Çingizoqlu, prodüseri Abbas Quliyevdir. Müğənni klipdə stilist Anar Ağakişiyev və modelyer Ramazzo ilə çalışıb.

Roza Zərgərli deyib ki, klipdə məşhur türk aktyoru Erol Günaydın da rol alıb. Çəkilişlər Bosfor boğazında və Türkiyənin Böyükada adasında aparılıb.

Klipdə Erol Günaydın gəmi kapitanı olub. Rolunu ürəkdən oynayan aktyor çəkilişdə həqiqətən ağlayıb.

Roza Zərgərli türk aktyorunun kaprizli olduğunu deyib: “O, həmişə klip çəkilişlərindən imtina edib. Cəmi bir dəfə Emre Altuğun klipində çəkilməsinə razılıq verib. Azərbaycandan gələn təklif isə ürəyincə olub, çünki azərbaycanlılarla işləməyi arzu edirmiş”.

Aktyor Roza Zərgərliyə və qızına xatirə hədiyyəsi bağışlayıb.

Roza da öz növbəsində aktyoru klipin sentyabr ayında Bakıda keçiriləcək təqdimatına dəvət edib.

Lalə Yusifqızı