Rəqqasə Oksananın böyük yalanı üzə çıxdı

Rəqqasə Oksananın mətbuata nişanlısı kimi təqdim etdiyi yəhudi iş adamı Haqay ilə evli olduğu məlum olub. Lent.az-ın məlumatına görə, həyat yoldaşı “anspress”ə sənədləri təqdim edib və rəqqasənin yalanını ifşa edib.

İş adamı Lent.az-a açıqlamasında Oksana ilə yaşamaq istəmədiyini, onunla evli olduğu müddətdə xəyanətə uğradığını açıqlayıb: “Oksananın bütün uğurları mənim adımla bağlıdır. Onunla 5 ildir, tanışıq, bu müddətdə hansı müsabiqədə iştirak edibsə, mənim köməyimlə nüfuz və qalibiyyət qazanıb”.

İş adamı rəqqasənin psixoloji sarsıntılardan əziyyət çəkdiyini və xəstəxanada yatdığını da açıqlayıb. O, Oksana ilə indiki sevgilisi reper Elşad Xose haqqında bəzi ittihamlarla çıxış edib.

“Oksana dəftərini bağlamışam, ondan boşanıram. Ona hər şey etdim, lakin o, xəyanəti ilə özünü məhv elədi, indi ailəsi belə ondan üz döndərib” – iş adamı bildirib.

Qeyd edək ki, Haqayın qardaşı Lent.az-a açıqlamasında qardaşının yeni sevgilisi olduğunu və hazırda onunla dincəldiyini deyib.

Xatırladaq ki, rəqqasə bir neçə ay öncə “facebook”dakı səhifəsində “and içirəm ki, o mənim ərimdir” sözlərini yazmışdı, lakin o vaxtlar nişanlısı kimi təqdim etdiyi ərinin məqsədli şəkildə onun “facebook” səhifəsinə daxil olub yalandan bu sözləri yazdığını iddia etmişdi.

Oksana özü Lent.az-a bildirib ki, iş adamının iddiaları ilə bağlı bütün saytlara eyni cavabı verib: “Vəkilim bu barədə danışmağa icazə vermir. Əslində boşanmaq üçün məhkəməyə ilk müraciəti mən etmişəm, iki ay əvvəl. Əksinə, o, məndən boşanmaq istəmir, Amerikaya getmək istəyir. Onun danışdıqları yalandır”.

Lalə