İşgüzar adamlar üçün Britaniya ulduz falı (5-11 noyabr)

Bu həftə QOÇLARA bol-bol sevinc bəxş edəcəkdir. Qohumlarınızdan və ya yaxınlarınızdan sürpriz gözləyin. Üstəlik, kreditorlarınızla uğurlu şəkildə hesablaşa bilərsiniz. Amma əlinizə keçən məbləğin dərhal “başına daş salmağa” çalışmayın. Sevgilinizə hədiyyə alanda əlinizdən tutar. Diqqət və qayğınız yüksək qiymətləndiriləcəkdir və artıq dekabr ayında “Vağzalı” havası çaldıra bilərsiniz.

BUĞALAR həftə boyu asudə vaxtlarını da işə qurban verəcəklər. Qurduğunuz planların bir çoxu kartdan düzəldilmiş evcik kimi qəfildən darmadağın ola bilər. Başqalarını qınamayın. Oturub harada səhvə yol verdiyiniz barədə yaxşıca düşünün. ŞİRLƏR və ƏQRƏBLƏRLƏ münaqişəyə girməyin, uduzan siz olarsınız. Yaxşı olar, iki-üç gün məzuniyyət götürüb ailə üzvlərinizlə birlikdə dincələsiniz. Yeni biznes qurmaq üçün çox əlverişli bir dövrdür, lakin yaxşı yadda saxlayın ki, qanun həmişə qanundur, onun hətta bircə hərfini pozmağınız belə sizə başucalığı gətirməyəcəkdir.

Bu həftə ƏKİZLƏR üçün hər yerdə - istər biznesdə, istərsə də məhəbbətdə yaşıl işıq yanacaqdır. Qəbul və ziyafətlərə saysız –hesabsız dəvət alacaqsınız. Cızığınızdan çıxmasanız, sizi böyük uğur gözləyir. Mümkünsə, borc almayın. Yaxşı olar, köhnə geyimlərinizin ciblərini yoxlayasınız. Çox güman, orada nə vaxtsa unutduğunuz sanballı məbləğ yatıb qalmışdır.

Planetlərin düzüm göstərir ki, vergi bəyannaməsini vaxtında təhvil verməmiş XƏRÇƏNGLƏRİN bu həftə başları yamanca ağrıyacaqdır. Ailədə və işdə üstü qaysaq bağlamış yaralar yenidən açılacaqdır. Heç vecinizə də almayın. Onda bir həftə sonra hər şey unudulacaqdır. İşləriniz lap pis getsə belə, təmkininizi pozmayın. Vəziyyəti nəyin bahasına olursa-olsun, öz mənafeyinizə uyğunlaşdırmaq cəhdi indi sizin üçün ən təhlükəli addımdır. Şübhəli sövdələşmələrə qoy qoymayın, borc pul verməyin. Qazanc özü gəlib sizi tapacaq, özü də heç gözləmədiyiniz mənbədən.

ŞİRLƏR sentyabrın sonunda imzaladıqları sövdələşmənin acı bəhrələrini dadacaqlar. Vəziyyəti olduğu kimi qəbul edin, çünki işin mahiyyətinə varmağa çalışsanız, ən yaxşı tərəfdaş və dostlarınızdan ümidinizi üzməli olacaqsınız. Həftə sonu hər şey öz axarına girəcəkdir. Yeni tanışlıqlar qurmayın, yenə də uğursuzluqlarla üzləşə bilərsiniz. Bu həftə böyük məbləğdə sərmayə yatırmaq məsləhət deyildir. Ziyana düşməyəcəksiniz, lakin qazancınız da yüksək olmayacaqdır.

QIZLAR həm işgüzar, həm də romantik cəbhədə yeni tanışlıqlar quracaqlar. Qarşınızda açılan yeni imkanlar aləminə baş vurmaqdan çəkinməyin, həftə sonu lazım olan qalacaq, qalanları isə həyatınızdan çıxıb, vaxtı gələndə unudulmuş yuxuya çevriləcəkdir. Keçi tərsliyindən və inadcıllığından əl çəkin. İndi mühüm məsələlərdə səhvə yol vermək ehtimalı çox güclüdür. Tez-tez valideynlərinizə zəng edin. Onların faydalı məsləhətləri lap yerinə düşər. Qulaq assanız, işləriniz rəvan və sabit gedəcəkdir. Rəhbərliklə aranızda anlaşılmazlıq yarana bilər. Səbirli olsanız, əsas kartlar əlinizdə toplanacaqdır.

TƏRƏZİLƏR Yeni il yaxınlaşdıqca karyeralarında əsaslı dəyişikliklərin labüdlüyünü hiss edirlər. Həyəcanlanmayın, yeniliklərə əngəl olmayın. Sonradan mənzərə tamamlananda hadisələrin məntiqə uyğunluğuna təəccüb qalacaqsınız. Lakin ehtiyatlı olun, ən bəxtəvər insan belə bədxahların şərindən sığortalanmayıb. Gecə-gündüz işdə olduğunuz üçün yaxınlarınızla münasibətləriniz gərginləşə bilər. Çoxlu qazanc vəd etsə belə, bu həftə şübhəli işlərə sərmayə yatırmayın.

ƏQRƏBLƏR Mars və Saturn planetlərinin nizamsız təsiri ilə işlərinin çox pis getdiyini hiss edəcəklər. Nə qədər gərgin çalışsanız, bir o qədər xoşagəlməz sürprizlərlə qarşılaşacaqsınız. Əsas diqqətinizi maliyyə və ailənizin təminatı məsələlərinə yönəldin, qalan işlərinizi bir kənara qoyun. Xüsusən, nikahla bağlı tələm-tələsik, ani qərarlar qəbul etməyin. İşdə ehtiyatlı olun. Hətta çox sərfəli bir iş təklifi alsanız belə, köhnə işinizi itirmək indi sizə əl verməz. Süleyman peyğəmbər müdrikliyi nümayiş etdirin. Yeni işdə yarımştat işləməyə başlayın. Planetlərin düzümü əlverişli olanda qəti qərar qəbul edərsiniz.

OXATANLARIN başı əyləncələrə qarışacaqdır. Çox da aludə olmayan. Bu günlər bədxərclik sizə baha başa gələr. Pullarınızı havaya sovurduqdan sonra harayınıza heç kəs yetişməyəcəkdir. Təyyarə və qatara çatmaq üçün yolu qırmızı işıqda keçmək lazım gəlsə belə, bunu etməyin. Ailənizdə əmin-amanlıqdır. Biznesdə alternativ gəlir mənbələri axtarıb tapmalısınız. Qış mövsümü yaxınlaşdıqca, qarşınızda perspektivlər açılır.

OĞLAQLAR bir daha əmin olacaqlar ki, cidanı çuvalda gizlətmək olmaz. Sanki ürəyinizdə dilə gətirə bilmədiyiniz bir yalan yuva salıb, daxildən içinizi gəmirir. Belə məsələləri təcili həll etmək lazımdır. Özü də planetlərin düzümü buna rəvac verir. Əgər fürsəti əldən versəniz, gələcəkdə sizi böyük bir bəla gözləyir. Keçmiş sevgilinizin həyatınıza yenidən girməyindən ehtiyat etməlisiniz. Maliyyə məsələlərini mütəxəssislərlə müzakirə edin. Çox güman, sizə daha sərfəli yatırım məsləhət görəcəklər.

DOLÇALAR payızın ruh düşkünlüyünü hiss edəcəklər. Səhərlər yuxudan durmaq çətindir, əsəbləriniz son dərəcə gərilmişdir. Lakin həmkar və yaxınlarınızın vəziyyətinizi başa düşmələri sizi təəccübləndirir. Unutmağa başladığınız dostlarınız yenidən peyda olub sizinlə görüşmək istəyəcəklər. İmtina etməyin. Dost məclisləri sizə uğur gətirəcəkdir. Sağlamlığınıza diqqət edin, işdən yatıb qalmayın. Maliyyə işlərində son dərəcə diqqətli və ehtiyatlı olmalısınız.

Tale bu həftə BALIQLARIN üzünə güləcəkdir. Amma hadisələrin gedişatına müdaxilə etməyin. Hər şey öz yolunda getsə, daha yaxşıdır. Yeni layihəni rəhbərliyə təqdim etmək üçün əlverişli vaxtdır, çünki yüz faiz bəyəniləcəkdir. Sərmayə yatırımı üçün münasib dövrdür və gələcəkdə sabit gəlir gətirəcəkdir.

Azərtac