Gənc müğənnimiz “Kader utansın”ı təqdim etdi
24 oktyabr 2012 11:40 (UTC +04:00)

Gənc müğənnimiz “Kader utansın”ı təqdim etdi

Gənc müğənni Zarina Məmmədova türkiyəli həmkarı Ümid Sayınla oxuduğu “Kader utansın” adlı mahnısının klipini təqdim edib. Lent.az-ın məlumatına görə, türkiyəli rejissor Kamal Başbuğun çəkdiyi klipinin təqdimatında Ümid Sayın Azərbaycanda olmağından məmnunluğunu dilə gətirərək bildirib: “Bu mahnını Zarina Məmmədova ilə oxumağıma səbəb onun geniş səs imkanlarının olmasıdır. Əminəm ki, bu duetimiz ona uğur gətirəcək. Türkiyə şou-biznesinə qoşulmaq istəsə, ona kömək etməyə hazıram”.



Bildirilib ki, aranjemanı Gürsel Çelikə məxsus olan “Kader utansın” dueti Zarinanın Türkiyədə işıq üzü görən “Dəlilik” adlı ilk albomunda da yer alıb.



Sonda Zarina Məmmədova yaradıcılığı ilə bağlı daha bir yeniliyi təqdim edib. Belə ki, müğənni sözləri Baba Vəziroğluna, musiqisi isə Kamala məxsus olan "Ad günüm" adlı mahnısına Türkiyədə klip çəkdirib. Həmin klip də təqdim olunub. Tədbir Zarina Məmmədova və Ümidi Sayının solo ifaları ilə yekunlaşıb.


Yalçın Süleymanov
1 2 3 4 5 İDMAN XƏBƏRLƏRİ
# 1989

Oxşar yazılar