Aşiq maralı «vurulduğu» inəkdən insanlar ayırıb

Kanadanın Britaniya Kolumbiyası əyalətində maralın bir inəyə «vurulması» və onu əldə etmək üçün ciddi-cəhd etməsi onu müşahidə edənlərin diqqəti və marağından yayınmayıb.
Lent.za-ın «RİA-Novosti»-yə istinadən məlumatına görə, bu haqda «Canadian Press» yazıb.

İnəyin sahibi yerli fermer Qreq Messnerin sözlərinə əsasən, bir neçə il öncə maral örüşə tez-tez gəlməyə başlayıb. Onun bir inəyə «vurulduğu» bəlli olub. O, «vurulduğu» inəyin «ürəyini ələ almaq üçün» balasına da qulluq edirmiş. Baş verənləri izləyən fermer bildirib ki, bu lap böyüklər üçün filmə oxşayırdı.

Sonra bu «sevgi məcarası» yaxınlıqdakı insanların da marağına səbəb olub. Bir çoxları bu adi olmayan «cütlüyün» fotosunu belə çəkib. Maralın örüşə gəlməsi ovçuların da marağına səbəb olub. Onlar buynuzuna görə həmin maralı ovlamaq istəyib.

Vəziyyəti belə görən fermer Qreq Messner ətraf mühiti mühafizə idarəsinə yardım üçün müraciət edib. Qurumun əməkdaşları maralı tutub, ovçuları cəlb etməmək üçün buynuzunu kəsdikdən sonra onu vurulduğu inəyin otladığı örüşdən 20 kilometr uzağa, dağlara aparıblar.

Bununla belə Messner ehtimal edir ki, 2013-cü ildə, yeni il maral qayıdacaq.