“Tı kto takoy? Davay, do svidaniya” qeydiyyata alınır

“Tı kto takoy? Davay, do svidaniya” meyxanası ilə məşhurlaşan İntiqam və Ehtiram Rüstəmov qardaşları indi də tanınmış reper Timati ilə böyük layihəyə başlayır. Lent.az-ın məlumatına görə, qardaşlar artıq reperlə Moskvada görüşüblər və layihənin detallarını müzakirə ediblər. Ehtiram Rüstəmovun dediyinə görə, görüşdə bir qədər əvvəl Timatinin “Tı kto takoy? Davay, do svidaniya” brendi altında bir sıra məhsulların istehsala başlamasına da toxunublar. Problem qismən çözülüb.

O da məlum olub ki, qardaşlar “Tı kto takoy? Davay, do svidaniya”nın müəlliflik hüququ barədə sənədləri hazırlayır və onu müvafiq qurumlara təqdim etmək niyyətindədirlər. Hazırda bu işlə onların vəkili məşğul olur.