Aygün Kazımova: “Hörmətli olanlar tortdan daddılar” – QALMAQAL

Xalq artisti Aygün Kazımova həmkarı, əməkdar artist Elza Seyidcahanla olan qalmaqala aydınlıq gətirib. Lent.az-a açıqlama verən Aygün Kazımova əməkdar artistin ona ünvanlandığı sözləri də cavablandırıb.

Elza Seyidcahanın sözlərini son dərəcə sakit qarşılayan xalq artisti bildirib ki, həmkarı həmin tədbirə dəvətsiz gəlib: “Sözügedən şirkət Elza Seyidcahanı həmin tədbirə dəvət etməmişdi. Haradansa eşidib ki, hədiyyə verirlər. Tez durub, gəlib tədbirə. Elza deyir ki, dövlət adamları qarışında təhqir edilib. Yunanıstan səfirliyi heç bilmir ki, Elza Seydicahan kimdir. Həmin tədbirdə ondan da yüksək statusa malik olan İhamə xanım və mən var idim. Həmçinin, Nadir Qafarzadə, Samirə və sair. Hörmətli olanlar tortdan dadıblar. Başqa heç bir əlavəm yoxdur”.

Müğənninin prodüseri Tolik də məsələyə münasibət bildirib. Prodüser Lent.az-a açıqlamasında Elza Seyidcahanın “Tolik məni təhdid edir” ittihamına cavab verib: “Mən Elza Seyidcahana zəng edib dedim ki, salam Elza xanım, hər vaxtınız xeyir olsun. O da telefonunu söndürdü. Mən də mesaj yazdım ki, “Elza xanım siz niyə dəvət olunmayan yerə gəlirsiniz?” Çünki şirkət rəhbərliyi də bildirib ki, Elza Seyidcahan o tədbirə dəvət almayıb”.

Xalq artistinin prodüseri Elza Seyidcahanın Aygün Kazımova haqqında səsləndirdiyi ittihamlara isə belə cavab verib: “Elza xanım getsin dişlərini yusun. Çünki həmin vaxt onun ağzından xoşagəlməz qoxu gəlirdi. Ona görə də Aygün xanım ona tort verməyib. Aygün xanım haqqında o cür sözlər deməyə Elzanın haqqı belə yoxdur. Əli Mirəliyev demişkən, onu adı heç “it dəftərində” də yoxdur”.

Qeyd edək ki, sentyabrın 22-də ölkənin tanınmış müğənniləri xəz dəri şirkətinin yeni mövsümünün açılışında iştirak ediblər. Elza Seyidcahanın iddiasına görə, həmin gün şirkətin siması olan xalq artisti Aygün Kazımova kəsilən tortdan yalnız ona verməyib. Bundan bərk qəzəblənən Elza Seyidcahan Aygün Kazımovanın ünvanına sərt ittihamlar səsləndirib.

Jalə