“Eurovision” qalibimiz yeni klipini təqdim edəcək

“Eurovision 2011” Mahnı Müsabiqəsinin qalibi Eldar Qasımov “I’m Free” mahnısına Ukraynada çəkilən klipini təqdim edəcək. Lent.az-ın məlumatına görə, müğənni sentyabrın 13-də ilk solo işini jurnalistlərin qarşısına çıxaracaq. Eldar Qasımov yeni işini şərh edərkən belə deyib: “Mən yalnız bir mahnının ifaçısı olmaq istəmirəm, çünki adətən beynəlxalq müsabiqə iştirakçıları və qalibləri bununla qarşılaşır. Həm də “Running Scared” mahnısı yalnız bir hissəsi mənə aiddir, axı bu hiti biz duet şəklində ifa etmişik. Mənim bir solo ifaçısı kimi də tamaşaçıya deməyə sözüm var”.

Sənətçinin “Eurovision” qalibiyyətindən sonra ilk solo klipi bu ilin iyun ayının sonlarında Ukraynanın paytaxtı Kiyevdə çəkilib. Bu layihə bütünlüklə Ukraynanın məşhur Euomedia Group şirkətinin komandası tərəfindən həyata keçirilib. Layihənin ideya müəllifi və rejissoru Denis Qamzinov, operatoru Dmitriy Peretrutovdur. Klipin ərsəyə gəlməsi üçün nə az, nə çox düz 200 nəfər çalışıb.

.