Sumqayıtda DƏHŞƏT: kürəkənini öldürdü - YENİLƏNİB

Sumqayıt şəhər prokurorluğu şəhər ərazisində törədilən qətllə bağlı məlumat yayıb.

Qurumdan Lent.az-a verilən məlumatda qeyd olunur ki, iyulun 2-də Sumqayıt şəhər sakini 1998-ci il təvəllüdlü Arif Muxtarovun aldığı xəsarətlərdən xəstəxanada ölməsi barədə şəhər prokurorluğuna məlumat daxil olub.

Araşdırma zamanı 1998-ci il təvəllüdlü Əkbər Vəliyevin iyulun 1-də Sumqayıt şəhəri ərazisində aralarında yaranmış mübahisə zamanı bacısının əri Arif Muxtarova bıçaqla xəsarətlər yetirməsi və zərəçəkmişin növbəti gün həmin xəsarətlərdən xəstəxanada ölməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 126.3-cü maddəsilə (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) cinayət işi istintaq edilir.

Əkbər Vəliyev iş üzrə şübhəli şəxs qismində tutulub.

***

saat 07:57

Sumqayıtda qətl hadisəsi baş verib.

Lent.az xəbər verir ki, hadisə Sumqayıt şəhər birləşmiş məhəllə ərazisində qeydə alınıb.

Şəhər sakini, 1998-ci il təvəllüdlü Muxtarov Arif Habil oğlu öz qaynı tərəfindən bıçaqlanıb.

Ağır vəziyyətdə xəstəxanaya yerləşdirilən A.Muxtarov orada ölüb.

Faktla bağlı araşdırma aparılır.

Xədicə Novruzova