Sumqayıtda AİLƏ FACİƏSİ: ər arvadını öldürdü - YENİLƏNİB

Yanvarın 29-u saat 4 radələrində Sumqayıt şəhəri ərazisində 32 yaşlı Səbinə Babışovanın öldürülməsi barədə şəhər prokurorluğuna məlumat daxil olub.

Şəhər Prokurorluğundan Lent.az-a verilən xəbərə görə, araşdırma zamanı 36 yaşlı Ağabala Babışovun yaşadıqları evdə bıçaqla xəsarətlər yetirərək arvadı Səbinə Babışovanı qəsdən öldürməsinə əsaslı şübhələr müəyyən edilib.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ağabala Babışov iş üzrə şübhəli şəxs qismində tutulub.

İbtidai istintaq davam edir.

***

Sumqayıtda arvadını öldürən kişi tutulub.

Daxili İşlər Nazirliyinin Mətbuat Xidmətinin əməkdaşı polis leytenantı Lumu İsrəfilli Lent.az-a bildirib ki, yanvarın 29-da saat 5 radələrində Sumqayıt şəhərində yerləşən evlərin birində 1993-cü il təvəllüdlü Səbinə Babışovanın kəsici alətlə qətlə yetirilməsi barədə polisə məlumat daxil olub.

Cinayət əməlini törətməkdə şübhəli bilinən onun əri, əvvəllər məhkum olunmuş 1989-cu il təvəllüdlü Ağabala Babışov polis əməkdaşları tərəfindən saxlanılıb.

Araşdırma aparılır.

***

saat 06:57

Sumqayıtda qətl hadisəsi baş verib.

Lent.az xəbər verir ki, hadisə Sumqayıt şəhəri, 12-ci mkr-da qeydə alınıb.

Şəhər sakini Ağababa Babışov arvadı, 1993-cü il təvəllüdlü Səbinə Babışovaya çoxlu sayda bıçaq zərbələri vuraraq öldürüb.

Hadisə ilə bağlı araşdırma aparılır.