Gəncədə ŞOK CİNAYƏT: "Instagram"a girən bacısının boğazını kəsdi - YENİLƏNİB

Gəncə qəsdən adam öldürməkdə şübhəli bilinən şəxs tutulub.

Şəhər Prokurorluğundan Lent.az-a verilən məlumata görə, noyabr 27-də saat 01 radələrində Gəncə şəhər sakini 2001-ci il təvəllüdlü Pəri Allahverdi-Zadənin yaşadığı evdə ölməsi barədə şəhər prokurorluğuna məlumat daxil olub.

Araşdırmalarla 2001-ci il təvəllüdlü Əli Allahverdi-Zadənin aralarında yaranmış mübahisə zamanı Pəri Allahverdi-Zadəyə bıçaqla xəsarət yetirərək onu qəsdən öldürməsinə əsaslı şübhələr müəyyən edilib.

Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Əli Allahverdi-Zadə iş üzrə şübhəli şəxs qismində tutulub.

Hazırda ibtidai istintaq davam edir.

***

saat 02:07

Gəncədə baş verən qətlin bəzi təfərrütları məlum olub

Lent.az-ın məlumatına görə, qardaş bacısını instaqramdan istifadə etdiyi üçün bıçaqlayıb.

O bacısının boğazını kəsərək qətlə yetirib.

Qeyd edək ki, Əli Allahverdizadə hərbçidir.

***

Saat 01:38

Gəncədə bacısını qətlə yetirən qardaş saxlanılıb.

DİN-in Mətbuat Xidmətinin Gəncə regional qrupundan Lent.az-a daxil olan sorğuya cavab olaraq bildirilib ki, Gəncə Şəhər Baş Polis İdarəsinin əməkdaşlarının keçirdikləri əməliyyat-axtarış tədbirləri nəticəsində şəhər sakini, Pəri Allahverdizadəni kəsici-deşici alətlə qətlə yetirməkdə şübhəli bilinən, onun qardaşı Əli Allahverdizadə saxlanılaraq istintaqa təhvil verilib.

***

Saat 01:36

Gəncədə qətl hadisəsi baş verib.

Lent.az xəbər verir ki, hadisə şəhərin Eminbəyli küçəsində qeydə alınıb.

Belə ki, qardaş bıçaqla bacısını qətlə yetirib.

Hadisə yerinə hüquq-mühafizə orqanlarının əməkdaşları cəlb olub.