Bakıda kişi küçədə sevgilisini döyüb.
Lent.az xəbər verir ki, hadisə Sabunçu rayonu Sabunçu qəsəbəsinin Ə. Məmmədov küçəsində qeydə alınıb.
45 yaşlı Ənvər Mikayılov (ad və soyad şərtidir) küçədə sevgilisi ilə söhbət edərkən qadın onunla kobud danışıb. Həmçinin Ənvərə qarşı nalayiq ifadələr işlədib. Bu səbəbdən əsəbiləşən Ənvər qadının üzünə bir neçə dəfə şillə vuraraq, onun dodağını partladıb. Nəticədə qadın həkimə müraciət etməli olub.
Bu hadisə ilə əlaqədar Ənvər Mikayılov barəsində Cinayət Məcəlləsinin 128-ci (qəsdən sağlamlığa yüngül zərərvurma) maddəsilə cinayət işi açılıb. Məhkəmə istintaqı zamanı zərərçəkən təqsirləndirilən şəxslə barışdığını və ona qarşı şikayəti olmadığını bildirib. Hər iki tərəf cinayət işinə xitam verilməsini xahiş edib.
Sabunçu rayon Məhkəməsində hakim Teymur Həsənovun sədrliyi ilə keçirilən prosesdə cinayət işinə xitam verilib və Ənvər Mikayılov məsuliyyətdən azad olunub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
