Sabunçu rayonu, Bakıxanov qəsəbəsində Mehriban Mehdiyevaya və Allahyar Əliyevə məxsus fərdi yaşayış evlərini təkcə qonşuluq əlaqələri birləşdirmir.
SOCAR “Azəriqaz” İB-dən Lent.az-a verilən məlumata görə, Bakıxanov qəsəbə sakinlərinin ortaq cəhəti həm də qaz sayğacına edilən qanunsuz müdaxilədir. Necə? Elə SOCAR “Azəriqaz” İB-nin işçi qrupunun aşkar etdiyi müdaxilə kimi.
Kənar müdaxiləyə məruz qalan hər 2 fərdi yaşayış evinin sayğacları laboratoriyada yoxlanılması üçün Birliyin Metrologiya Departamentinə gətirildi. Abonentlərin razılığı ilə ilk olaraq sayğaclara vizual baxış keçirildi və qanunsuz kənar müdaxilə halı təsdiq olundu.
Bir daha abonentləri qaz sayğaclarına edilən qanunsuz kənar müdaxilələrdən uzaq durmağa çağırırıq. Əks halda qanun çərçivəsində tədbirlər görüləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
