Türkiyə ilə Gürcüstan daha bir enerji sazişi imzaladı
30 iyul 2009 14:30 (UTC +04:00)

Türkiyə ilə Gürcüstan daha bir enerji sazişi imzaladı

“Borçka-Mesxeti” yüksək gərginlikli elektrik xətti çəkilir

İyulun 29-da Ankarada Türkiyənin energetika və təbii ehtiyatlar naziri Taner Yıldız və Gürcüstanın energetika naziri Aleksandr Xetaquri iki ölkə arasında “Borçka-Mesxeti” yüksək gərginlikli (1000 meqavat) elektrik xəttinin çəkilməsinə dair saziş imzalayıblar.

Lent.az-ın məlumatına görə, imzalanma mərsaimindən sonra gürcüstanlı nazir bildirib ki, xəttin 130 kilometri Türkiyə, 25 kilometri isə Gürcüstan ərazisindən keçəcək.

Bu xətt ilə Azərbaycandan da elektrik enerjisi idxal ediləcək.

Taner Yıldız isə deyib ki, elektrik xəttinin çəkilişi 140 milyon dollara başa gələcək və hər bir ölkə öz ərazisindəki xərcləri özü ödəyəcək. Layihənin 2012-ci ildə tamamlanması nəzərdə tutulur.
# 395

Oxşar yazılar